المقادير
½ كيلو فراخ بانيه
4 ملعقة كبيرة بقدونس مفروم
4 ملعقة كبيرة زيت زيتون
½ كوب عصير ليمون
4 ملعقة كبيرة ميه
ملح وفلفل أسود
كوب شوربة فراخ
6 ملعقة كبيرة زبدة
شطة
دقيق
طريقة التحضير
1- قطّعي كل شريحة فراخ إلى شريحتين صغيرتين، وتبّليها بالشطة والملح والفلفل الأسود، وبعدين غطّيهم بالدقيق، وبعد كده حمّريهم في زيت الزيتون من الناحيتين، وبعد كده ارفعيهم من على النار وسيبيهم على جنب.
2- سخّني عصير الليمون في نفس الطاسة اللي حمّرتي فيها الفراخ، وضيفي عليه الميه، وبعدين ضيفي عليهم الزبدة وقلبيهم مع بعض على النار لحد ما الزبدة تسيح، وبعد كده ضيفي عليهم البقدونس وقلبيهم على النار لمدة دقيقة، وبعدين ضيفي عليهم الفراخ وشوّحيها مع الصوص لمدة 5 دقائق على الناحيتين.
3- ارفعي الفراخ من الصوص وحطّيها في طبق التقديم وصبّي عليها باقي الصوص اللي موجود في الطاسة، وقدميها..