بطاطس مقلية بالصوص

 
المقادير
2 ثمرة بطاطس مقطّعة مكعبات كبيرة
ملعقة صغيرة بابريكا (فلفل أحمر مطحون)
ملعقة صغيرة كمون
ملعقة كبيرة ملح
4 كوب ميه
مقادير الصوص:
كوب مايونيز
ملعقة صغيرة صلصة طماطم
2 ملعقة صغيرة عصير ليمون
½ ملعقة صغيرة بابريكا
4 فص ثوم مفروم
رشة ملح
شطة
مقادير خلطة التوابل:
2 ملعقة كبيرة ملح
ملعقة صغيرة فلفل أسود
ملعقة صغيرة بابريكا
طريقة التحضير
1- انقعي البطاطس في ميه ساقعة شوية، وبعد كده حطّي 4 أكواب ميه على النار وضيفي عليها الملح والبابريكا والكمون، وسيبيهم على النار لحد ما الميه تغلي، وبعدين ضيفي على الخليط مكعبات البطاطس وسيبيهم على النار لمدة 10 دقائق، وبعد كده ارفعي مكعبات البطاطس من الميه وسيبيها على جنب تبرد شوية.
2- لعمل الصوص، اخلطي الثوم مع الملح والبابريكا والمايونيز وعصير الليمون وصلصة الطماطم والشطة، وقلّبيهم مع بعض كويس لحد ما الخليط يتجانس، وسيبيه على جنب.
3- حمّري مكعبات البطاطس في الزيت لحد ما يبقى لونها دهبي، وبعد كده ارفعيها من على النار على مناديل ورقية علشان تشرب الزيت، وبعدين حطّيها في أطباق التقديم وضيفي عليها الصوص وخليط التوابل.